Pinirmaanen ni Justice Secretary Jesus Crispin Remulla iti immigration lookout bulletin kontra kadagiti pito nga opisial manipud iti Office of the Vice President (OVP) gapu iti mapapati a saan nga usto a pannakausar ti government funds.
Pinasingkedan daytoy ni Justice Assistant Secretary Mico Clavano a naipaulog ti lookout bulletin kalpasan ti kiddaw ti House Committee on Good Government and Public Accountability.
Kinuna ni Clavano a naipatuloden ti lookout bulletin iti Bureau of Immigration para iti pannakaipatungpalna.
Ti lookout bulletin ket maysa a direktiba kadagiti autoridad ti imigrasion a mangmonitor kadagiti indibidual a subject ti agtultuloy nga imbestigasion wenno legal case, a manglapped kadakuada a pumanaw nga awan ti authorization na.
Naiduma dayta iti hold departure order, nga inruar ti korte a direktiba a mangiparit iti maysa nga indibidual a pumanaw iti pagilian.
Ti kiddaw manipud iti House panel ket gapu iti saan a panagparang dagiti opisial iti imbestigasyon ti Kamara mainaig ti saan nga usto a panagaramat ti OVP ken ti Department of Education iti confidential ken intelligence funds.
