Pinaglibakan ti Department of Justice (DOJ) a binilindan ti International Criminal Police Organization wenno Interpol a mangiruar ti red notice kontra ken ni Atty. Harry Roque.
Dayta iti inlawlawag ni Assistant Secretary Mico Clavano a pannakangiwat ti DOJ kalpasan a nagwaras nga imbilindan ti nasao a kiddaw.
Segun ken ni Clavano, saan a pudno dagiti agwarwaras a binilindan ti Interpol.
Kinunana a kitkitaenda pay laeng ken isagsagana dagiti rumbeng a tutokanda iti nasao a kaso ti dati a presidential spokesperson.
Kayat pay a maammoan ti DOJ nu ania iti kasayaatan ken mabalin a maaramid nga addang mainaig iti sitwasyon ti kaso.
Iti agdama ket adda idiay The Netherlands ni Atty. Harry Roque ken adda ti pending wenno on-going asylum application na iti nasao a gobierno.
