Harry Roque, natalek iti baro a lead counsel ni FPRRD

Kumpiyansa ni dati a presidential spokesperson Atty. Harry Roque nga adda iti nasayaat nga ima ni dati a  Presidente Rodrigo Duterte.

Daytoy ket kasaruno ti panagbaliw iti defense team ti dati a presidente iti kaso na iti International Criminal Court (ICC).

Maipalagip nga id kaano laeng ket sinukatan ni British barrister Peter Haynes kas lead counsel ni Atty. Nicholas Kaufman.

Ni dati a presidente Duterte ket sumangsango ti kaso a crimes against humanity gapu iti drug war ti administrasion na.