Inallukoy ti Department of Health (DOH) dagiti amin a pet owner a pabakunaan ti tarakenda nga ayup iti kontra rabies.
Ti panagpangato dagiti matmatay gapu iti rabies ket gapu ti dakkel a bilang dagiti naiwalang nga aso iti pagilian nga umabot iti 13 million.
Segun ken ni Herbosa, indala ti Anti-Rabies Act iti panagbakuna kadagiti kaso ken pusa a bulos iti salinong ti resposibilidad ti local government unit ken Bureau of Animal Industry idinto a ti pagsayaatan dagiti taraken nga ayup ket nakapasidong kadagiti owner-da.
Kinuna ni Herbosa a kada tawen ket ikamkampaniada a pabakunaan dagiti pet owner dagiti asoda.
Inlawlawag ni Herbosa nga awan ti panagbaba ti anti-rabies vaccination kadagiti tattao ken saan a gumatgatang kadagiti bakuna dagiti LGU.
Nagpangato dagiti kaso ti rabies isu a tigtignayan ti San Lazaro Hospital iti napalabas a dua a lawas nga umabot iti saan a nababbaba iti 2,000 a pasyente kada aldaw idi napan a lawas.
Umaboten iti 426 iti death toll gapu iti rabies ti nairekord iti DOH idi 2024 a 100% iti natay kadagiti kaso a nagkaita dagiti sintomas.
