Tallon iti kumpirmadio a natay iti pannakarpuog ti maysa a pasdek idiay Angeles City, Pampanga.
Naammoan a 47 a tattao iti naapektaran, 26 ti na-rescue ken 17 pay iti sapsapulen dagiti responders.
Segun ti Philippine Red Cross (PRC), katinnulongda dagiti lokal nga otoridad tapno maisalakan dagiti nabatbati a biktima.
Nakairekorddan kadagiti Collapsed Structure Search and Rescue (CSSR) ken Emergency Medical Services (EMS) Teams manipod idiay Pampanga ken Olongapo Chapters tapno tumulong iti lugar iti insidente.
Kas tignay iti pagkasapulan dagiti pamilia dagiti biktima, nangidatagen ti PRC iti 24/7 Weklfare Desk iti Ospital Ning Angeles para iti Restoring Family Links ken psychosocial support.
Agtaltalinaed a naka-alerto dagiti staff ken volunteers iti PRC a mangisaysayangkat iti 24-hour shifts tapno masigurado a napaspas iti pannakaipaay iti tulong.
