Imbilin ni Pres. Ferdinand Marcos Jr. kadagiti maseknan nga ahensia iti panangsigurado ti kinatalged ken pagsayaatan dagiti umili a naapektaran iti habagat.
Segun ken ni Palace Press Officer Atty. Claire Castro, kayat a masigurado ti presidente a makadanon nga insigida kadagiti residente nangruna kadagiti adda iti adayo a lugar ti tulong iti gobierno.
Impakaammo ti presidente iti kalawa ti damage nga impaay iti awan sardayna a kapigsa iti tudo iti napalabas a lawas idiay Metro Manila ken dadduma pay a probinsia.
Imbilin ti presidente nga insigida a siguradoen a madanon ti amin nga apektado a residente kangrunaan kadagiti adayo a lugar.
Karaman kadagiti nagreport iti presidente ket da Department of Public Works and Highways Secretary Vince Dizon, DSWD Secretary Rex Gatchalian, MMDA Chairman Don Artes, PAGASA Administrator Nathaniel Servando, ken OCD Assistant Secretary Laurence Mina.
Iti pakaammo ni OCD Assistant Secretary Mina, nairekord iti sangapulo ket dua a natay, walo a mapukpukaw, sangapulo ket maysa a nadunor idiay Region 1, Cordillera Autonomous Region, ken Calabarzon ken agtultuloy iti validation iti agduduma pay a report.
