Nasurok 2,500 a tattao ti natay gapu iti napaspas a panagraira ti Ebola iti Democratic Republic of Congo, nga ita ket maibilang a kakaroan nga Ebola outbreak iti pakasaritaan ti nasao a pagilian.
Daytoy ket gapu iti Bundibugyo virus, nga awan pay ti aprubado a bakuna wenno agas.
Segun iti UN, saanen a makagiddan ti response operations iti kapaspas ti panagraira ti sakit, idinto a mapagam-amkan pay a maibus ti pondo para iti operasion iti uneg laeng ti mano a lawas.
Nayon pay iti parikut ti panagraut kadagiti health worker ken pasilidad, misinformation, riribuk ken kinakurang iti humanitarian aid.
Nagpanawagan ti UN iti nayon nga international support tapno mapapigsa ti medical response, masalwadan dagiti health worker, ken malapdan ti agtultuloy a panagraira ti Ebola.
