--Ads--
Nasurok 100 a tattao ti natay kalpasan a nagreggaay ti maysa nga artisanal gold mine idiay Zamboye, western Central African Republic.
Napasamak ti insidente kabayatan nga adu a minero ti agtrab-trabaho iti pagminasan.
Segun kadagiti lokal nga opisial, agtultuloy ti operasion tapno masapulan dagiti mapukpukaw ken dagiti posible a nagaburan iti nagreggaay a pagminasan.
Saan pay a pinal ti bilang dagiti natay ta agtultuloy ti rescue ken recovery operations.
-- ADVERTISEMENT --
Masansan ti kastoy a klase ti aksidente iti artisanal mining idiay Central African Republic gapu iti kinakurang ti regulasion, alikamen, ken dagiti safety measure kadagiti bassit a pagminasan.
