Umaboten iti 3,535 ti bilang dagiti natay iti nagsaruno a gingged a timmama idiay Venezuela idinto nga 18,000 a tattao iti agtaltalinaed nga awan ti pagtaenganna, nasurok makalawas kalpasan ti didigra iti kabisera ken dagiti kaasidegna a coastal areas.
Segun ti top lawmaker Jorge Rodriguez, maibasar ti kaudian nga official tally, 16,740 ti nadunor ken 17,854 ti napukawan iti pagtaengan kalpasan dagiti ginggined idi June 24 a magnitude 7.2 ken 7.5 a timmama iti uneg laeng iti mano a segundo iti nagbaetanda.
Naipakita iti baro a listaan iti kalawa ti dadael iti aglawlaw ti Caracas ken La Guaira, ti coastal area a kakaroan a nadidigra, bayat a kumarkaro iti tignay iti gobierno.
Segun ti social vice presidency iti Venezuela, saan a nababbaba iti 12,800 a tattao ti agtaltalinaed iti 80 shelters iti Caracas ken La Guaira.
Inkalintegan met ni Acting Presiding Delcy Rodriguez ti panagtignay ti gobierno kagiddan ti pannakadismaya iti sumagmamano a Venezuelan a nangibaga a naudin ken agkurang iti nagbalin nga aksyon.
Kinunana nga insigida a naideploy ti securit forces kalpasan dagiti ginggined ken naipakaammo ti panagbukel ti baro a military unit nga agtignay kadagiti sumaruno nga emergency ken disaster.
