--Ads--
Kinumpirmaran ti Department of Foreign Affairs (DFA) nga awan ti Pilipino a nadunor wenno natay iti nagsaruno a napigsa a ginggined idiay Venezuela.
Segun ti DFA, agtultuloy a monmonitorenda ti sitwasyon babaen ti Embahada iti Pilipinas idiay Bogota, Colombia nga isu ti mangkitkita kadagiti Pilipino idiay Venezuela.
Makikamkammayet payen ti embahada kadagiti Pilipino nga agnanaed idiay Caracas ken iti siuda ti Barinas tapno masiguraso iti kinatalgedda.
Iti agdama ket awan pay ti naawat ti DFA a report maipanggep iti pannakatay ti Pilipino gapu iti nasao a ginggined.
-- ADVERTISEMENT --
Binalakadan ti ahensya dagiti Pilipino idiay Venezuela nga agtalinaed iti natalged a lugar ken agdenggeg kadagiti pakaammo iti lokal a gobierno ken dagiti otoridad.
