Nakitaripnong dagiti opisyal ti Department of Migrant Worker (DMW) kadagiti owner ken manager iti recruitment agencies tapno pagpatangan ti safety measures iti panag-deploy iti overseas Filipino workers idiay Kuwait ken Kingdom of Saudi Arabia.
Segun ken ni Patricia Yvonne Cauan a DMW Undersecretary for Policy and International Cooperation, nakiddaw ti Philippine recruitment agencies a mangipaay ti inputs-da nu kasano ti addang ti gobierno tapno salakniban dagiti gakat para kadagiti overseas Filipino workers kagiddan dagiti kaso iti panagabuso kadagiti migrant workers.
Segun ken ni Caunan, ti gagemda iti policy making ket saan laeng a panagaramid iti polisiya nu diketdi salakniban ti biag dagiti OFW.
Dagiti isyu ken concern a naipakaammo iti pagatangan ket dagiti karit iti panagmonitor kadagiti workers onsite, terms and conditions a nailanad iti employment contracts ken ti panangsurot ti recruitment agencies ken ti foreign counterparts-da.
Insingasing dagiti recruitment agencies ti specific terms and job desriptions iti employment contract ken panangpabiit iti duration of employment dagiti mangmangged manipod dua a tawen nga agbalinen a makatawen.
Inallukoy ti DMW dagiti Philippine recruitment agencies nga agridam iti panagmonitor iti kasasaad iti deployed workers-da ken agbalin a responsive nu kas bilang adda urgent concerns wenno emergencies.
