VIGAN CITY- Nagballaag ti Department of the Interior and Local Government (DILG) ken Presidential Anti-Organized Crime Commission (PAOCC) maipapan iti posibilidad a mabalin a mausar ti kuarta a naggapu iti illegal nga aktibidad ti sumagmamano a Philippine Offshore Gaming Operation (POGO) firms para iti 2025 election.
Segun ken ni Interior Secretary Benhur Abalos, mabalin a mausar ti kuarta a naggapu iti illegal nga aktibidad a mangsuporta kadagiti agkandidato.
Maibasar ti rekord manipud iti PAOCC, dagiti POGO hubs ket makaurnong iti saan a kumurang a P2 billion a pastrek iti kada bulan manipud iti illegal nga aktibidad.
Kabayatanna, kinuna met ni PAOCC Spokesperson Winston Casio, no iti naipatugaw a mayor ket maysa a corrupt politician, saanen a kasapulan dagiti POGO iti agapply kadagiti dokumento isu a mabalinda nga ag-operate iti aniaman nga oras.
