Binilin ti Department of the Interior and Local Government dagiti lokal a gobierno iti Permanent Danger Zone ti Bulkang Kanlaon idiay Negros Island a mangisayangkat iti evacuation gapu iti panagbettak ti bulkan.
Agtaltalinaed iti Alert Level 2 ti status ti bulkan, ket maiparit ti panagserrek iti uneg ti 4 kilometers manipud iti crater.
Nabilin dagiti LGU nga imonitor ti posible a lahar ken layus ti pitak, siguradwen ti kinasagana dagiti evacuation center, isagana dagiti relief supply, ken iactivate dagiti local disaster councils ken emergency operations.
Nabalakadan dagiti agindeg a suroten dagiti health precaution iti ashfall, kas ti panangisuot iti face mask, panangliklik iti ruar, nangruna kadagiti ubbing, babbaket ken lallakay, masikog, ken dagiti masakit.
