--Ads--
Agsagsagana latta ti Commission on Elections para iti Barangay ken Sangguniang Kabataan Elections uray no isingsingasing dagiti sumagmamano nga agpampanday-linteg nga isanud ti naituding nga eleksion inton November 2, 2026.
Impasigurado ni Chairman George Erwin Garcia a suroten ti Comelec ti ania man nga ibilin ti Kongreso.
Segun ken ni Garcia, maibasar iti immuna a decision ti Korte Suprema iti panangisanud ti nasao nga eleksion, ket kasapulan nga adda ti “legitimate government interest.”
Mamati ti opisial a ti krisis a mapaspasaran ita ti pagilian ket saan a maibilang a lehitimo a government interest, nangruna ta maap-apektaran ti pagbiagan ti kaaduan a Pilipino gapu iti rinnupak iti Middle East.
-- ADVERTISEMENT --
