--Ads--
Impasigurado ni Presidente Ferdinand Marcos Jr a mayawid iti pagilian ni dati a Rep. Zaldy Co tapno sangwenna dagiti umili.
Iti video message ti Presidente, kinunana nga agtaltalinaed iti kustodia ti Czech Republic ni Co ken maar-aramiden dagiti addang tapno masiubli ditoy pagilian.
Binilinen ni Marcos ti Department of Justice (DOJ) ken Department of Foreign Affairs (DFA) nga idaulwanda ti pannakikammayet iti Czech Republic tapno masigurado a naurnos ken mayataday iti proseso dagiti amin a kasapulan.
Innayon pay ti Presidente a maipatulod ti high-level coordination team a mangbantay iti panangpaawid ken ni Co iti pagilian.
-- ADVERTISEMENT --
