Patien ti maysa a kongresista a saan a makatulong ken ni Vice President Sara Duterte ti pananglikliklikna kadagiti impeachment proceeding ti House Committee on Justice tapno maikalintegan ti bagina kadagiti pammabasul kontra kenkuana.
Segun ken ni House Assistant Minority Leader ken Kabataan Partylist Rep Renee Co, ikagkagumaan ti komite a maipaay ti due process ngem saysayangen daytoy ni VP Sara.
Natalek ni Co a saan a napintas nga impresion ti panangliklik ni Duterte kadagiti senador nga isu ti agserserbi nga impeachment judges iti impeachment hearing.
Inton Abril 22 ket isayangkat manen ti Justice Committee ti panagdengngeg ket namnamaenda a makita dagiti dadduma pay nga ahensia tapno maduktalan no adda probable cause dagiti reklamo ket mayuli iti Senado nga isu ti mangisayangkat iti impeachment trial.
