Agtultuloy ti panang-verify ti Department of Foreign Affairs (DFA) no adda dagiti Pilipino a naapektaran iti uram iti maysa nga ski resort bar idiay Switzerland bayat ti panagrambak iti baro a tawen.
Segun ken ni DFA Spokesperson Angelica Escalona, makikamkammayet ti Philippine Embassy idiay Berne kadagiti otoridad iti Switzerland tapno mabigbig no adda Pilipino a biktima.
Nakipagladingit iti DFA iti Swiss Confederation ken kadagiti pamilia dagiti napukawan iti ay-ayaten iti biag.
Innayon ti ahensya a nakasagana ti Philippine Embassy in Berne a tulongan dagiti Filipino national nga apektado iti uram.
Maibasar ti imbestigasyon ti Swiss authorities, posible a nagtaud iti uram iti fountain candle sparkles a naaramat iti New Year’s party.
Umabot iti uppat a pulo iti natay idinto a sangagasut iti nadunor iti napasamak nga uram.
