--Ads--
Pinasingkedan ni Foreign Affairs Secretary Theresa Lazaro nga adda impormasion ti gobierno nga adda iti Paris ni dati a Rep. Zaldy Co.
Mapapati a nagkiddaw iti asylum ni Co iti France kalpasan a nairaman kadagiti kaso ti anomalya.
Sumangsango ni Co, agraman dagiti 17 a dadduma pay iti kaso a graft ken malversation nga impila ti Office of the Ombudsman iti Sandiganbayan mainaig iti mapapati a maanomalya a P289 million flood control project iti Oriental Mindoro.
Immunan a kinanselar ti Department of Foreign Affairs ti diplomatic passport ni Co idi December 2025, idinto a ti regular passport-na ket nag-expire sipud pay 2022.
-- ADVERTISEMENT --
