Ipaiman ti Department of Foreign Affairs (DFA) iti law enforcement authorities ti panagtignay iti impormasyon no adda idiay Sweden ni dati a Congressman Zaldy Co.
Segun ken ni DFA Secretary Ma. Theresa Lazaro, ti nasao a patangen ket maysa a law enforcement matter isu a nasaysayaat a saludsuden dagiti otoridad iti nasao a banag.
Inlawlawag ti secretary a saannan a kasapulan pay a makipatang iti Sweden ta nalawag iti dokumento iti linaonna.
Ti dakdakamaten a dokumento iti DFA Chief ket ti certiorari petition nga impila ni Co kontra ken ni Ombudsman Jesus Crispin Remulla.
Karaman dayta iti maysa a notary a nakaipanan a personal a simmango ni Co iti notary public a ni Beatrice Gustafsson iti Stockholm, Sweden.
Maikontra dayta iti inisyal nga impormasyon a posible nga adda idiay Portugal ni Co ta mapapati nga adda Portugese passport-na a posible a nabayagen a naalana.
