Bigbigen ti DepEd Division Ilocos Sur iti panagkaykaysa dagiti amin nga ahensya iti gobierno, nadumaduma a sektor, pagadalan ken komunidad para iti balligi a pannakaisayangkat iti dua nga event iti probinsia.
Iti pannaki-uman ti Bombo Radyo Vign ken ni Jovy de Castro a mangidaulo ti DepEd Division Ilocos Sur, saan a nadaras ken karit iti panag-host ken pannakaisayangkat iti National Schools Press Conference (NSPC) ken National Festivals of Talents (NFOT) iti probinsia ngem babaen iti panagkaykaysa ken panagtitinnulong ket nagbalin a posible.
Segun ken ni de Castro, manipod pay idi napan a tawen ket naplanon ken nangrugin iti panagsagana iti probinsia para kadagiti nasao nga event isu a pagyamannna iti Ilocos Sur Provincial Government iti sibubukel a suportar tapno maipaayan ti manpower ken resources a kasapulan dagiti delegates.
VIDEO – JOVY DE CASTRO
Ipannakkelna met dagiti pagadalan ken paslidad a nagserbi a billeting school ken venues dagiti pa-contest ta napapintas wenno na-upgrade gapu ta masansan a panag-host iti probinsia kadagiti national event.
VIDEO – JOVY DE CASTRO
