485 iti delegasyon manipod Rehiyon Uno para iti Palarong Pambansa 2026 iti nakasangpeten idiay Agusan del Sur as of 7:06PM, May 19, 2026.
Iti pannaki-uman ti Bombo Radyo Vigan ken ni Cesar Bucsit nga Spokesperson iti Department of Education Region 1, adayo dayta ngem iti namnamaenda a nasurok walo gasut a delegasyon manipod iti region 1.
Segun ken ni Bucsit, dagiti nasao a nakasangpeten ket pakairamanan iti 340 nga atleta, 51 a coaches, 12 nga assistant coaches, 13 chaperons ken 68 technical working groups.
Pagyamanan ni Bucsit iti nabara a panangpasangbay kadakuada iti lokal a gobierno iti Agusan del Sur ta manipod panagsangpetda iti airport agingga naitulodda iti billeting school ket nasigurado iti kintalgedda.
Kinunana a ti panagturong dagiti delegates iti nasao a lugar ket saan laeng a DepEd Region 1 iti nangbaklay iti kasapulanda ta adda iti impaay dagiti Local Government Units iti agduduma a probinsia iti rehiyon ken uray ti DepEd Central Office ket nangted pondo tapno maipaay kadagiti Regional Office a maited met kadagiti delegate.
