Adda iti libreng sakay ken libre a tour para kadagiti delegado ti umadanin a Palarong Pambansa idiay Agusan del Sur.
Segun ti Department of Education, inrusat ti gobierno probinsia iti programa a “Libreng Sakay” tapno maikkan ti libre a transportasyon dagiti atleta, coach, mangisursuro ken agbuya manipod May 24 agingga 31.
Dinayaw ni Education Secretary Sonny Angara ti programa ta ipakpakitana dayta iti panangisakit ken hospitality dagiti Pilipino kadagiti agtutubo.
Maaramat ti libreng sakay ti e-buses ken tricycles iti tallopulo ket innem a playing venues idiay Bayugan City ken kadagiti ili ti Bunawan, Esperanza, Talacogon, Prosperidad ken San Francisco tapno mapadaras ken natalged iti panagbiahe dagiti makipaset.
Adda pay ti libre a guided tours kadagiti nasikat a pagpasyaran idiay Agusan del Sur ken Surigao del Sur tapno maipakita ti kultura ken turismo iti rehiyon.
