Opisialen a nagleppas ti 2026 Palarong Pambansa idiay Datu Lipus Makapandong Cultural Center kalpasan ti maysa a lawas a kompetision a nakipasetan ti rinibo nga atleta nga agad-adal manipud iti agduduma a paset ti pagilian.
Iti closing ceremony ti maika-66 nga edision ti Palarong Pambansa, narugyan ti programa iti panagtitipon dagiti atleta kasaruno ti unity parade ken maysa nga opening production number.
Sinaronoan daytoy ti tradisional a seremonya pakairamanan ti panagibaba ti bandera ti Pilipinas, Department of Education, ken Palarong Pambansa, kasta payen ti panangpatay ti apoy iti Unity Cauldron.
Naipakaammo iti panagleppas ti programa dagiti nangabak iti elementary at secondary divisions, pakairamanan ti overall champion, Para Games winners, Top Five Performing Schools Division Offices, ken Most Bemedalled Athlete.
Immuna ti National Capital Region iti Medal Tally nga addaan da ti 91 gold, 71 silver ken 71 bronze, pakabuklan ti 233 a medalya.
Kagiddan ti panagserra ti kompetision, pormal nga inawat ni Mayor Joy Belmonte ti panagbalin nga host ti Quezon City para iti Palarong Pambansa 2027.
Segun ken ni Belmonte, naudi a nag-host ti siudad idi 1966.
