Agtaltalinaed a naka-full alert status ti Police Regional Office 13 tapno masigurado iti seguridad iti agtultuloy a Palarong Pambansa 2026 idiay Agusan del Sur.
Ti nasao nga aktibidad ket manamnama a dar-ayan iti 16,000 a delegado manipod 18 a rehiyon iti intero a pagilian.
Tapno masigurado ti 360-degree security coverage, umabot iti 2,316 dagiti Philippine National Police (PNP) Personnel manipod agduduma nga operational units ti mapagtigtignay para iti billet ken venue security, clearing operations, seguridad iti taray ti trapiko, checkpoints, mobile ken foot patrols, Tourist Assistance Desk ken public safety services.
Kanayon pay iti bilang ti 355 personnel manipod iti katinnulong nga ahensya karamanan ti Armed Forces of the Philippines (AFP), Bureau of Fire Protection (AFP), dagiti lokal a gobierno, Local Disaster Risk Reduction and Management Offices ken dadduma pay a force multipliers karaman iti 990 a volunteers a tumulong iti kinaurnos ken seguridad iti lugar.
Nangideploy pay iti Pro13 iti 111 mobility assets kadua ti SWAT ken EOD-K9 units idinto a 55 Police Assistance Desks met iti naipan kadagiti strategic areas.
