Nasurok 80 a road sections ken rangtay iti agduduma a rehiyon iti pagilian ti “cleared’ ken madalanen manen dagiti lugan kalpasan ti serye ti clearing operations kasaruno ti panagduprak ti agsasaruno a bagyo ken napapigsa nga Habagat.
Segun iti National Disaster Risk Reduction and Management Council (NDRRMC), dagiti nadakamat a kalsada ket temporario a saan a nadalanan gapu iti landslide, natwang a kayo ken nalawa a panaglayus.
Iti tulong ti Department of Public Works and Highways (DPWH) ken dagiti lokal a gobierno, napaspas a nadalusan dagiti debris ken dagus a naisubli ti daloy ti transportasion ken maipatulod ti relief supplies kadagiti apektado a residente.
Umabot iti nasurok P6 bilyon ti kabuklan a perdision iti public infrastructure kadagiti rehiyon ti Ilocos, Cagayan Valley, Central Luzon, CALABARZON, MIMAROPA, ken Cordillera Administrative Region (CAR).
