--Ads--
Back-to-back win para iti maysa nga atleta manipud iti Region VIII (Eastern Visayas) kalpasan a nagun-odna manen iti maikadua a gundaway ti umuna a gold medal iti 2026 Palarong Pambansa idiay Agusan del Sur.
Dayta ket kalpasan a balligi a natarayna ti 3,000-meter itay bigat.
Segun ken ni Chrisia Tajarros, kinagaed ti nagbalin a tulbek iti pananggun-odna iti nasao a medalya.
Aminado nga adda latta danag a nariknana kabayatan ti kompetision ngem babaen ti panagsanay ket ammona nga in-handle.
-- ADVERTISEMENT --
Isagsagutna met ti balligina iti pamilia, coach, ken dagiti teammate-na.
Maipalagip a gold medalist manen ti nasao nga atleta idi 2025 Palarong Pambansa idiay Ilocos Norte.
