Imbilin ni Pres. Ferdinand Marcos Jr. ti insigida nga imbestigasyon maipanggep iti pannakatay dagiti dua nga atleta manipod Ateneo de Manila University a napasamak bayat iti panagsanayda.
Segun ken ni Palace Press Officer USec. Claire Castro, nakipagladingiten ti presidente iti pamilia dagiti biktima.
Impaganetget ni Castro a kayat ti presidente ti napaspas a panaggaraw ti kaso tapno maammoan iti kinapudno iti insidente.
Dayta ket kasaruno dagiti rumrumuar a damag a posible a hazing ken saan nga ordinary laeng a training ti rason ti trahedya isu a kiddaw ni Castro iti publiko a saan nga unaan iti opisyal a panangadal dagiti otoridad.
Innayonna a kasapulan iti nainget nga imbestigasyon ta saan a napintas iti resulta iti aktibidad dagiti biktima.
