Impaganetget ti Malakanyang a seryoso iti gobierno iti kampania kontra iti amin a klase iti krimen kasaruno ti sarita ni Vice President Sara Duterte a mabalin nga agbayad iti gunman iti gatad a P5,000 tapno mangpatay iti maysa a tao.
Segun ken ni Palace Press Officer Undersecretary Claire Castro, no adda ti ammo ti bise presidente maipanggep iti nasao nga illegal nga aramid, rumbeng dayta nga ipakada kadagiti otoridad tapno makatulong iti imbestigasyon ken pananglaban kadagiti responsable.
Kinuna ni Castro a kas nangato nga opisyal iti gobierno, rumbeng laeng a mangidaulo ni VP Sara iti pananglaban iti krimen ken saan a mangted iti sarita a kasla mangmangted ti ideya maipanggep iti panag-hire iti assassin.
No pudno iti nasao nga aramid, ket apay a saan nga insigida a natignayan iti baet a napauten nga adda iti gobierno ti bise presidente ken nagbalin pay a presidente ti amana.
