Maisagsaganan ti kaso a maipila kontra iti inibidwal a nakemmeg iti naisayangkat a buy bust operation iti ili ti Sta. Cruz.
Ti suspek ket agtawen ti uppat a pulo ket uppat, awan trabaho na, under iti Target Intelligence Packet ken residente ti nadakamat nga ili.
Iti pannakiuman ti Bombo Radyo Vigan ken ni PEMS Israel Albay ti Sta. Cruz Municipal Police Station, dati a drug surrenderee ti suspek ngem in-monitor dagiti otoridad gapu ti pannakairaman wenno pananginagan dagiti kakadua na iti ilegal nga aramid.
Naala manipud ti suspek ti drug evidence a 0.28 grams ti mapapati a shabu nga aggatad ti P1, 904 a nakaikabil iti maysa nga heat sealed transparent plastic sachet.
Dagiti met nakumpiskar a non-drug evidence ket pakairamanan ti P1, 000 a nagserbi a kas buy bust moey, lighter ken P125 a kuwarta.
Ti suspek ket addan iti kustodiya ti Sta. Cruz Municipal Police Station para ti naan-anay nga imbestigasion bayat a maiur-uray ti pannakaipila ti kaso kontra kenkuana.
