--Ads--
Pinasingkedan ni Senador Robin Padilla nga awan pay ti naawatna a summons maipanggep ti imbestigasyon iti panagpanaw ni Senador Ronald Bato dela Rosa manipod Senado idi parbangon iti May 14.
Segun ken ni Padilla, agur-uray latta isuna a maimbitaran tapno mailawlawag iti biangna maipanggep kadagiti report a kaduana ni dela Rosa idi pimmanaw iti Senate premises.
Kinuna ni National Bureau of Investigation (NBI) Director Melvin Matibag, rumbeng nga agpalawag ni Padilla maipanggep ti nagbalin nga akemna iti ipapanaw ni dela Rosa manipod protective custody iti Senado iti baet ti arrest warrant nga inruar ti International Criminal Court kontra iti senador.
Pinasingkedanna a ni Padilla ti naudi a kadua ni Dela Rosa sakbay a pimmanaw iti Senado.
-- ADVERTISEMENT --
