Insigida nga imbilin ni Bureau of Customs wenno BOC Commissioner Ariel Nepomuceno ti relief ken preventive suspension ti Customs Police personnel nga akin-kukua iti paltog a mapapati nga inaramat ti estudyante a nagpaltog iti Ateneo de Zamboanga University Junior High School.
Imbilin ni Nepomuceno ti comprehensive accounting ken inventory iti amin a naisyu a paltog kadagiti kameng ti Bureau ken adalaen no sumursurot dagitoy iti polisiya ti BOC ken ti issuances iti gun safety, firearm custody, transport, carrying, storage ken safekeeping.
Kinunana a masapul nga agipasa ti compliance reports iti amin a concerned units iti uneg iti duapulo ket uppat nga oras.
Nainget pay a bilin ti Bureau iti amin a concerned personnel a makikammayet iti isaysayangkat nga imbestigasion dagiti otoridad.
