Maragsakan ni Senador Francis Kiko Pangilinan ti panangipila ti kaso ti Bureau of Customs (BOC) ti innem a criminal complaints mainaig dagiti shipment a naideklarar a “chicken lollipops” ngem natakuatan a naglaon daytoy ti rinibo a sako ti sibuyas ken karton ti carrots.
Kinarit ni senador Pangilinan ti ahensia a masapul nga agpatingga ti enforecement saan laeng iti raid no diket iti conviction a kadawyan a maibas-basura ti kaso gapu iti teknikalidad.
Impila ti BOC dagiti reklamo iti Department of Justice kontra iti akin-kukua ken mangibagi ti importer, maysa a lisensyado a customs brokers, dagiti opisial ken kameng ti Customs, ken dadduma pay nga indibidwal a karaman iti shipments.
Maipagarup nga awan ti kasapulan a Sanitary and Phytosanitary Import Clearance manipud iti Bureau of Plant Industry dagiti agricultural products.
