Agtinnulong ti Technical Education and Skills Development Authority (TESDA) ken Department of Agriculture (DA) tapno pasayaaten ti skilled ken certified urban agriculture practitioners iti pagilian babaen ti National Urban and Pen-Urban Agriculture Program (NUPAP) iti Bureau of Plant Industry (BPI).
Gagemda a surwan iti praktikal nga ammo iti modern food production dagiti kasali a makatulong iti panagtignay iti food security ken climate resilience iti pagilian.
Mabalin pay dayta a dalan tapno maaddaan wenno makaawat ti trabaho ti participant, makaipatakder iti negosio ken mangbukel ti community-based food production.
Dayta ket tapno masigurado nga accessible para iti publiko ti nasao a programa, mangidatag ti TESDA ken DA ti technology demonstration hubs kadagiti komunidad, ken nagkari a papigsaen iti kapasidad dagiti trainer, examiner, ken partner institution iti intero a pagilian.
