Umaboten iti P2.84 bilyon ti perdision ken pannakalugi iti sektor ti agrikultura gapu ti napapigsa nga Habagat ken naglabas a bagyo Luis, Maymay, at Neneng, segun iti Department of Agriculture (DA).
Apektado ti 72,803 a mannalon ken 64,234 nga ektarya ti agricultural areas idiay Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, at Western Visayas.
Umabot met iti 63,921 metric tons ti production losses iti agduduma nga agricultural products.
Kadakkelan a perdision ti pagay nga ₱1.42 bilyon, sinaruno ti high-value crops a ₱761.43 milyon, pakairamanan dagiti nateng, prutas, root crops, commercial ken ornamental crops.
Nalugi met ti ₱103.04 milyon ti mais ken ₱24.74 milyon ti cassava.
Umabot met iti ₱18.94 milyon ti perdision iti livestock, idinto a ₱68.65 milyon ti perdision iti irrigation facilities, ₱27.45 milyon iti farm structures, ken ₱3.64 milyon iti makinarya ken alikamen.
Dakkel met ti epekto iti fisheries ken aquatic resources nga umabot iti ₱412.84 milyon, pakairamanan ti perdision iti bangus, tilapia, fingerlings, ken dadduma pay.
