Binabalaw ni Senator Risa Hontiveros ti nabuntog a panag-take down ti META iti livestreaming iti pammaltog iti Ateneo de Zamboanga University Junior High School.
Impaganetget ni Hontiveros nga agingga ita ket adda pay laeng dagiti makitkita iti Facebook a kopya ti livestream video maipanggep ti school shooting incident.
Iti panagdenggeg ti Senate Committee on Women, kinuna ni Cybercrime Investigation and Coordinating Center Director Undersecretary Renato Paraiso, umabot iti sangapulo ket uppat a minutos ti livestreaming iti Facebook iti pammaltog.
Lima a minutos pay laeng idi umun-una a naammoanda ti livestream iti pammaltog nga insigida nga in-report-da iti MEDA ken insigida met a nagtignay ken na-take-down ti livestream iti uneg iti siam a minutos.
Impaganetget ni Hontiveros a napaut uneg ti sangapulo ket uppat a minutos ken posible a maaramat pay ti video kadagiti madi nga impluwensia.
No pay kasta ket inamin ni Paraiso a nag-live pay iti sabali a platform ti child in conflict with the law (CICL) nga ita laeng a naammoanda iti baet ti imbestigasion ken posible a nakarkaru nga agwaras ti video ta awan ti hurisdiksyonna iti CICC.
