Pinainget ti Department of Information and Communications Technology (DICT) dagiti addangda kontra iti Nihilistic Violent Extremism (NVE) ken dadduma pay a napeggad nga online content.
Kasaruno dayta iti bilin ni Pres. Ferdinand Marcos Jr. a papigsaen ti salaknib kadagiti ubbing ken yetnag dagiti nataltalged a digital environment.
Segun ti ahensia, bayat a kumarkaru iti exposure dagiti agtutubo iti napeggad nga online content, pakairamanan dagiti graphic nga eksena iti kinaranggas, pananggundaway ken dagiti material a mabalin a mangallukoy iti napeggad nga ugali, kasapulan iti naing-inget nga addang tapno maliklikan nga agwaras dagiti pangta iti digital space.
Pinapigsa ti DICT ti koordinasyonda iti National Telecommunications Commission, Cybercrime Investigation and Coordinating Center, Philippine National Police, dagiti internet service provider, telecommunications company ken digital platform tapno mapasayaat ti panangmonitor kadagiti pangta, panagibingay ti impormasyon ken dagiti salaknib a maipatpatungpal iti lebel ti network.
