Nadardarasen a ma-access dagiti miembro ti Social Security System (SSS) ti digital ID da ken sumagmamano a serbisio kalpasan a makibinnulig ti ahensia iti Department of Information and Communications Technology (DICT) tapno iraman dagituy iti eGovPH app.
Pinermaan da DICT Secretary Robert Joseph de Claro ken SSS President ken CEO Victor Alfonso Limlingan ang data-sharing agreement.
Iti salinong ti partnership, mairaman iti eGovPH superapp ti digital version ti MySSS Card ken sumagmamano a kangrunaan a serbisio para kadagiti miembro.
No makumpleto ti integration, mabalin a makita ti SSS member iti eGovPH app ti digital representation ti MySSS Card kas maysa nga available government IDs-da.
Mabalin da pay a kitaen ti contribution history da, kabuklan a bilang ti contributions ken kaudian a membership type ken impormasion mainaig iti most recent employer-da.
