Mangnamnama ti Department of Information and Communications Technology (DICT) a maipasa kas linteg iti uneg ti dua a bulan ti gakat a mangpainget iti regulasion iti social media.
Segun ken ni DICT Secretary Henry Aguda, mapilitan ti amin a social media platform, pakairamanan ti Meta a sumurot no kas bilang agbalin a linteg ti gakat.
Immunan nga inaprubaran ti maysa nga House panel ti kapada a gakat kasaruno ti pammabalaw ti Cybercrime Investigation and Security Council (CICC) iti nabayag a panangikkat ti sumagmamano a social media platform iti violent content nga adda pakainaiganna kadagiti insidente ti pammaltog iti pagadalan iti Pilipinas.
Nakitaripnong pay ti DICT, CCIC ken dadduma pay nga ahensia ti gobierno kadagiti mangibagoi ti Meta idiay Singapore tapno trataren dagiti addang kontra iti child violence nga adda pakainaiganna iti naranggas nga online games.
