Impasa ti House Committee on Welfare of Children ti substitute bill para iti “Children’s Social Media and Online Gaming Safety Act” a panggepna a salakniban dagiti ubbing manipud kadagiti peggad ti social media ken online gaming.
Ti gakat ket pinagtiponna ti 41 a bills, agraman ti House Bill No. 6080, ken karaman kadagiti priority bills ti Legislative-Executive Development Advisory Council (LEDAC).
Iti salinong ti gakat, maiparit dagiti social media account ken interactive online gaming features kadagiti ubbing nga awan pay 13 ti tawenda, idinto nga adda dagiti espesial a proteksion para kadagiti agtawen iti 13 agingga iti 17.
Karaman kadagiti safeguards ti limitasion ti pannakilangen kadagiti ganggannaet, geolocation, targeted ads, livestreaming ken autoplay, bayat a maipasdek ti Office for Children’s Social Media ken Digital Safety iti DICT ken ti NTC ti mangasikaso kadagiti aglabsing.
