Panang-ban kadagiti agtutubo iti panagaramat iti social media, impanawagan ti maysa a senador

Nagpanawagan ni Senador Robin Padilla nga iduron iti pannakaiparit kadagiti agtutubo iti panagaramat ti social media.

Kasaruno dayta ti napasamak nga school shooting incident iti Ateneo de Zamboanga University Junior High School idiay Zamboanga City a nakatayan iti dua a tattao.

Impaganetget ni Padilla nga idi pay laeng ket mapansinen iti dakes nga epekto ken impluwensia iti panagaramat ti social media kadagiti agtutubo a nakarkaru a maex-expose iti kinaranggas.

Kinunana a maaddaan ti nainget a panagtratar iti kaadda ti linteg ken polisiya iti panagaramat dagiti agtutubo iti social media.

Maipalagip nga idurduron pay ni Padilla ti pannakaibaba iti 10 years old nga age of criminal liability kadagiti agtutubo.