Nagbalaag ni Senator Robin Padilla a mabalin da nga ag-decision, kadua dagiti kaalyado na a senador nga i-boycott ti impeachment trial kontra ken ni Vice President Sara Duterte.
Daytoy ket no agtultuloy ti panangbaliktad iti probision ti Saligang Batas.
Impakaammo ti senador nga uray awan pay ti pormal a panagpapatang ket dakkel ti posibilidad a mapasamak daytoy kasaruno kadagiti saan a ninamnama a panagbaliw iti proseso ti trial iti Senado.
Inaklon ni Padilla a temporario pay laeng isuna a saan a dumardar-ay iti mismo a plenaryo bayat a maiur-uray ti decision ti Korte Suprema mainaig ti petision nga impila da ken ni Senator Christopher “Bong” Go nga agrek-reklamo iti naituding a baro a voting threshold para iti conviction ti bise presidente.
Pinasingkedan ti agpampanday linteg nga imbes nga agtugaw iti plenaryo ket agpokus laeng iti tunggal panagdengngeg ken testimonia dagiti testigo babaen iti telebision iti opisina na tapno maaramid na pay dagiti sabali a responsibilidad na kas senador.
