Pinalagipan ti Civil Service Commission dagiti ahensya iti gobierno a mangisayangkat ti Christmas wenno year-end party a rumbeng a saan nga agaramat ti public funds ken masapul a suroten ti ethical standards.
Segun ken ni CSC Commissioner Aileen Lourdes Lizada, saan a mabalin nga aramaten ti pondo iti gobierno para ti Christmas party ngem mabalinda nga agaramat ti pooled money wenno kuarta a napagtitipon kas tulong wenno kontribusyon manipod kadagiti kakadua iti party.
Ti palagip ni Lizada ket kalpasan nga inallukoy ti Malakanyang dagiti ahensya iti gobierno nga ag-donate iti savings-da manipod scaled-down holiday celebrations agingga iti komunidad nga apektado kadagiti naglabas a bagyo.
Binalakadan pay ni Lizada dagiti ahensya iti gobierno nga agpakonsulta iti Commission on Audit ken Department of Social Welfare and Development sakbay a mangted ti donasyon.
