Inbutaktak ni Sagip party-list Representative Rodante Marcoleta a ni Commission on Elections Chairman George Erwin Garcia ket adda nainagan kenkuana a dua nga offshore bank account idiay Cayman Islands.
Inpakita ni Marcoleta dagiti kopya ti resibo ti transaksyon ti bank transfer iti maysa a press conference inaig iti napasa a House resolution tapno maimbestigaran ti kontrata ti Comelec ken Miru
Tapno maammuanda, nakikammayetda kadagiti volunteersda idiay New York, USA tapno mangiyakar ti 100 a dollar iti 2 nga offshore bank accounts a mapapati a kukua ni Garcia ket nakita a dagiti resibo manipud iti Chase for Business ket nakailanad a ti offshore bank accounts ket nainagan iti George Erwin Mojica Garcia.
Innayonna a dagiti resibo ket naggapo iti platform ti maysa nga institusuon a nakabase idiay Amerika isua maibilang a lehitimo ken saan a tampered ti transaction records
Malaksid iti dayta, nangipasa pay ni Marcoleta ti House Resolution 1827 tapno imbestigaran ti mapapati a deposit a naawat ti Comelec official para iti posible a panaglabsingna iti Anti-Graft and Corrupt Practices Act (Republic Act 3019).
Pinaglibakan met ni Commission on Elections chairman George Garcia dagiti pammabasol kenkuana
Nupay kasta, inyunay-unayna a nakasagana isuna iti aniaman nga imbestigasyon nga iyuswat ti kamara
