Karkariten ti dadduma a grupo iti Korte Suprema maipapan iti baro a linteg a mangiyatiddug iti termino dagiti opisial ti barangay ken Sangguniang Kabataan inton Nobiembre 2028.
Naituding a mangipila ti election lawyer a ni Romulo Macalintal iti petition for certiorari kontra iti Republic Act No. 12326, a mangiyakar iti BSKE manipud Nobiembre 2026 agingga Nobiembre 2028 ken mangikeddeng iti lima a tawen a termino para kadagiti opisial.
Kwinestyonaran met ti National Citizens’ Movement for Free Elections (Namfrel) ken dadduma pay a civil society groups ti pannakaitantan ta patienda a mabalin nga apektaranna ti abilidad dagiti agdama nga opisial ti barangay nga agtalinaed iti opisinada bayat ti 2028 elections, idinto nga impapilit ti administrasion a ti napapaut a panawen ket mangipaay iti ad-adu a panawen nga agserbi.
Kabayatanna, segun iti Commission on Election (Comelec), nakasaganadan para iti 2026 BSKE ken nakagastosdan iti di kumurang a P8-B, ken manamnama nga usigen manen ti Korte Suprema ti nasao a banag apaman a maipila dagiti baro a petision kontra iti RA 12326.
