--Ads--
Impaganetget ni Vice President Sara Duterte a saan nga agikkat iti puesto iti baet ti impeachment trial ken dagiti alegasion a sangsangwenna.
Segun ken ni VP Sara, trat-tratarendan kadua ti legal team-na dagiti addang a mabalin a maaramid kontra kadagiti pammabasul kenkuana.
Kabayatanna, ad-adalen ti Senado kas impeachment court ti mapapati a saan a mailawlawag a kinabaknang ni Duterte ken ti asawana a ni Manases Carpio, idinto a naituding a marugian inton Nobiembre 9 ti pannakaidatag ti ebidensia ken dagiti testigo ti depensa.
Nagballaag pay ni VP Sara a posible nga adda panagswitik ken agtultuloy a black propaganda iti 2028 national elections no matuloy ti eleksion.
-- ADVERTISEMENT --
