Aramaten ti Philippine National Police ti nayon a panawen tapno mapapigsa ti panagsagana da iti seguridad para inton sumaruno nga eleksion ti barangay ken Sangguniang Kabataan (SK), a nakaituding inton Nobyembre 2028.
Pinasingkedan ni PNP chief Gen. Jose Melencio Nartatez Jr. a napateg nga usaren ti pannakaitantan ti eleksion tapno sukisoken dagiti nagbalin nga addang ti pulisya kadagiti napalabas nga eleksion ken maammuan dagiti rumbeng a pasayaaten.
Iti salinong ti Republic Act No. 12326 a pinermaan ni Presidente Ferdinand Marcos Jr., maitantan ti barangay ken SK elections manipud Nobiembre 2, 2026 a mapan iti Nobiembre 13, 2028.
Innayon ni Nartatez nga aramaten pay ti PNP ti ad-adu a panawen tapno maisagana dagiti kameng da ken mapapigsa to koordinasion iti Commission on Elections (Comelec), dagiti lokal a gobierno ken dadduma pay nga ahensia.
Agbalin a pagibasaran ti PNP ti kapadasan da iti September 2026 Bangsamoro Autonomous Region in Muslim Mindanao (BARMM) parliamentary elections.
