Pormal a linukatan ni Presidente Ferdinand Marcos Jr. ti 49th Association of Southeast Asian Nations Summit and Related Summits idiay Manila, ita nga aldaw, Nobiembre 15.
Iti opening ceremony iti Philippine International Convention Center, nagpanawagan ni president Marcos para iti ‘regional unity ken shared responsibility.’
Nailadawan ti ASEAN kas agduduma a nasion nga aggargaraw wenno agtartarabaho nga adda ti maymaysa a gandat da.
Ti summit ket panagtataripnong dagiti lider mamipud iti Asean member states ken dialogue partners tapno pagpapatangan dagiti napapateg a patangan iti rehiyon ken intero a lubong, pakairamanan ti seguridad, kinatibker ti ekonomiya, seguridad iti taraon ken enerhiya, trading, transnational crime, online scams, ken pagimbagan dagiti migrante a mangmangged.
Iti sabali a bangir, idauloan ni presidente Marcos ti 29th ASEAN Plus Three Summit ken 21st East Asia Summit inton Nobiembre 17, sakbay a marugyan ti seremoniya ti panangiyakar ti ASEAN Chairship idiay Singapore.
