--Ads--
Kiniddaw ti Office of the Solicitor General (OSG) iti Korte Suprema nga ibasura ti petision kontra iti panangitantan ti Barangay ken Sangguniang Kabataan Elections (BSKE) a nakatuding kuma ita a tawen.
Iti komento nga impila ti OSG idi Oktubre 5, pinasingkedan da a ti panagiruar ti temporary restraining order a kidkidawen ni election lawyer Romulo Macalintal ket mabalin a mariribuk iti operasion ti Commission on Elections (Comelec).
Imbagi ti OSG ti Office of the President, Senate, House of Representatives ken Comelec iti nadakamat a kaso.
Segun iti OSG, sinuspenso ti Comelec ti panagsagana da para iti eleksion, inikkat da ti election prohibitions ken naipasardeng ti filing ng certificates of candidacy ken campaign period.
-- ADVERTISEMENT --
