Maysa a cancer patient ti nakikasar iti longtime partner-na iti maysa a hospital chapel idiay Cebu.
Ti pasyente a ni Finesa Ayen Sanchez, agtawen iti tallopulo ket uppat ket nakikasar ken ni Jurry Brigoli iti emotional ceremony a naisayangkat iti hospital chapel idiay Mandaue City idi May 23, 2025.
Na-confine ni Finesa gapu iti panagbakbakwarna ken poor oral intake ket nadiagnose iti gastric cancer iti late stages.
Segun ken ni Dr. Ina Magbanua, immasideg kenkuana ti partner ni Finesa idi May 23 ket imbagana a nakaituding iti kasarda iti dayta nga aldaw ket kiniddawna laengen a maisayangkat iti ospital.
Babaen ti team effort dagiti nursing services, ER Team, ti Hospital Admin ken dadduma pay nga staff ket naisayangkat ti panagkasarda.
Napaayaban ti maysa a padi a nangisayangkat ti seremonya ket isuda mismon iti nangimatang iti panagkallaysada.
Sangapulo ket lima a tawenen nga agdendenna dagiti couple ket addan ti innem nga annakda.
