Ngimmato ti bilang dagiti pasahero kadagiti pantalan iti intero a pagilian ita nga Holy Week travel season iti baet ti panagngato t presio ti langis ken agtultuloy ti tension idiay Middle East, segun iti Philippine Coast Guard.
Segun ken ni PCG spokesperson Commodore Noemie Cayabyab, umabot iti 3.4 milyon ti nairekord manipud Palm Sunday agingga Easter Sunday, nangatngato no ikumpara iti 3 milyon idi napalabas a tawen.
Kaadduan a biyahe ket nairekord kadagiti ruta a mapan idiay Cebu, Iloilo, Aklan, Batangas, ken Oriental Mindoro, a mabigbigbig a tourist destinations.
Kabayatanna, pinasingkedan ti PCG a posible a dakkel a tulong iti panagbaba ti insidente dagiti nainget nga information campaign ken presensya dagiti kameng da kadagiti kabaybayan.
